In auditur engiadinais che stat en la Val Schons vul savair la derivanza da dus nums da Tschlin.
Il prenum Fumia na vegn betg duvrà pli uschè frequent e be paucs san, ch'il num sa referescha ad ina martira morta enturn l'onn 300, la sontga Eufemia. Questa povra figlia dad in patrizian roman, creschida si sper Istanbul, è daventada cristiana e vegnida struclada tranter crappa senza nutriment, ma in anghel l'ha nutrida. Era ils animals selvadis na l'han betg stgarpada, pir cuntellada è ella morta.
La schlattaina Starlay, enconuschenta dapi il 1622 a Tschlin, stat en relaziun cun in lai. En quest cas cun il lai da la Haida en la val Vnuost en il Tirol dal Sid.