Oz è l'onomastic dad ina persuna da la bibla ch'è daventada in simbol per lungas suffrientschas e per la pazienza che blers carstgauns han da pratitgar. Giob vegn mess a la prova en differentas modas sgarschaivlas ed ha da patir, ma el resta fidaivel a Dieu.
En rumantsch datti perquai la locuziun «esser in Job u in Giob», cura che malsognas u povertad segnan la vita dad ina persuna. En Surselva datti er ina schlattaina Job. Ed il num engiadinais Pallioppi – che nus menziunain ina giada u l'autra pervi dal grond dicziunari dal 1895 – è probabel ina cumbinaziun da Paulus e Giob. Ma oz è er il di da la dunschella Giuanna d'Arc, morta sin il schafot cun 19 onns.
