Il Grep dil Lochli

Sonda passada è stada ina bella festa a Danis-Tavanasa. La punt da l'inschigner Versell è pronta per sia nova funcziun dals proxims decennis. Ella è vegnida spendrada dad ina fundaziun che sa che nossas fanestras vers il passà èn fitg impurtantas. Ina terribla bova aveva destruì il 1927 la punt che l'inschigner Maillard aveva construì e la punt salvada laveva rimplazzada. La bova era sa precipitada giu dal Grep dil Lochli, u Ochli, sco quai ch'el vegniva numnà. Nus tschertgain il fastizs da quest toponim mez rumantsch e mez tudestg e n'emblidain betg ils vischins gualsers da Sursaissa.