La murra, la mora

chau da Chasper Pult
Legenda da maletgs: Chasper Pult. RTR/G.Dazzi

Quants sa regordan anc dal surnum «Tschingg» per ils Talians suenter la gronda immigraziun dals onns 1960? Quel deriva dad in gieu ch'els avevan importà e che vegn giugà anc oz cunzunt en l'Engiadina: La murra. Il num è in misteri, il gieu vegn però giugà en blers pajais ed è in dals gieus ils pli fascinants ch'existan. Mintgin po adina giugar la murra independent da las circumstanzas, ins sto sulettamain esser en dus. Ils Bergamascs avevan importà en il Grischun quest passatemp genial e nus tschertgain lur fastizs. Na fiss Silvester betg l'occasiun per emprender a giugar la murra?

Redacziun: Chasper Pult