Lagalb – Lago Bianco

chau da Chasper Pult
Legenda da maletgs: Chasper Pult. RTR G.Dazzi

I va vers Ferragosto, temp per pensar a noss amis dal sid. Dal Grischun mainan blers pass vers l'Italia. In da quels è il medem mument era in cunfin linguistic, il Pass dal Bernina tranter l'Engiadin'Ota ed il Puschlav. Sisum il pass pudainsa admirar il Lago Bianco, ma la muntogna daspera sa numna Piz Lagalb. Il pled latin albus ha survivì be en rumantsch e rumen. Questas duas linguas en la periferia da l'imperi roman n'han betg badà che il pled tudestg «blank» aveva remplazzà plaun a plaun il pled latin, probablamain sco che quai capita oz cun varsaquants pleds englais. Per l'auditur samedrin è il misteri uss schlià!

Redacziun: Chasper Pult