Lai da Padnal

chau da Chasper Pult
Legenda da maletgs: Chasper Pult. RTR/G.Dazzi

Tgi na faschess betg gugent in bogn en questa chalira? Per fortuna datti numerus bogns averts en noss chantun, ma era blers lais natirals che offran frestgezza. Ma n'avais Vus mai udì dad in lai reactivà? A Ftan en Engiadina Bassa è vegnì inaugurà avant quindesch dis il Lai da Padnal. Quel era vegnì fabritgà l'onn 1935 per las scolaras da l'Institut Otalpin ed era stà en funcziun bunamain 50 onns fin ch'el è vegnì serrà per motivs da segirezza. El è en ina foppa davos il Mot Padnal. Quai è in'expressiun preromana che signifitgescha «fortezza» ed exista en l'entir Grischun sco Padanal a Donat u era en las regiuns talianas (Pednal a Poschiavo) e tudestgas (Pedinal a Churwalden).

Redacziun: Chasper Pult