Linard

Tge ha in liun pers sin la piramida?

Fotografia dal chau da Chasper Pult
Legenda da maletgs: Chasper Pult. RTR, G. Dazzi

Il Piz Linard è ina muntogna imposanta en Engiadina Bassa, tgi nha anc mai admirà questa piramida? Dumengia ils 6 da november è il di da Glienard sco che il num vain era duvrà en rumantsch. Questas furmas vegnan dal Sontg Leonhard, che deriva dal latin Leo, il pled per liun. El aveva refusà en il 5avel tschientaner da daventar uvestg ed è stà gidanter per ils praschuniers cun rumper lur chadainas. Pli tard ha il pievel interpretà la chadaina sco in chadaina per rentar la muaglia e perquai è il num Leonhard era sa derasà en noss chantun.
Redacziun: Chasper Pult