Maria

chau da Chasper Pult
Legenda da maletgs: Chasper Pult. RTR G.Dazzi

Igl è cler che a Nadal stat era la mamma da Jesus en il center, la dunschella Maria u Nossadunna sco ella ha num tar ils catolics. Il prenum è in dals pli populars en bleras variaziuns, era en furma diminutiva sco Marietta, Mareina, Mimia, Meja, Moja, u Mia. Era vischnancas èn numnadas suenter la Sontga Maria, p.ex. St. Maria en Val Müstair. Là devi perfin duas baselgias deditgadas a la Maria. Perscrutada archeologicamain era ina da quellas però deditgada a la Maria Madlaina. Tut quai ed anc bler dapli pudain nus emprender cun sfegliar il cudesch stimulant «Baderlada cul gial da Soncha Maria» cumparì quests dis.

Autur/a: Chasper Pult