Mierta

chau da Chasper Pult
Legenda da maletgs: Chasper Pult. RTR/G.Dazzi

Ils chalenders rumantschs èn plain surpraisas. Sche nus guardain l'onomastica dad oz, chattain nus sulettamain en il Chalender Ladin Mierta. Quest bel prenum feminin deriva dad Emerita ch'era apparentamain la sora dal sontg da l'uvestgieu da Cuira Luzi, Lüzza u Glieci sco che nus schain en rumantsch. Ma la sontga Emerita para d'esser vegnida encrappada gia l'onn 195.

En il cudeschet surmiran «Mossaveias» legiain nus: «Emerita – bel tudestg, ma igl [num] Mierta è pi frestg.» A Ftan datti in'exposiziun dad inserats vegls ed in da quels fa appel da duvrar nums rumantschs per survegnir «il dretg caracter»!

Redacziun: Chasper Pult