Mus montanus

Viva las muntanellas e marmottas!

chau da Chasper Pult
Legenda da maletgs: Chasper Pult. RTR G.Dazzi

Il Museum naziunal a Turitg ha inaugurà dacurt in'exposiziun che sa numna bestiari svizzer. Quatter animals vegnan preschentads, ch'èn tipics per nossa cuntrada: vatga, muntanella, capricorn e bernardin.

Dal fotograf Johann Feuerstein da Scuol pudain nus admirar ina fotografia da l'onn 1925 nua che nus vesain enten S-charl ina dunna che fa cun stgaina sin in banc e dasper ella in chaun da chatscha ed ina muntanella, en tutta pasch. Forsa ch'i dat exemplars dumestitgads da questas mieurs alpinas anc oz? En mintga cas existan plirs toponims che derivan da las muntanellas, e co ch'ellas passentan l'enviern ha adina puspè sveglià la fantasia.

Redacziun: Chasper Pult