Il prenum rumantsch Plasch deriva dal num grec-latin Blasius e n'ha nagina relaziun cun Placi che deriva da Placidus. En autras linguas è el derasà sco Blaise en Frantscha u Balázs en Ungaria.
Oz ans regurdain nus da Plasch Barandun da Veulden che ans ha bandunà quests dis. El è stà istoricher e cronist da ses vitg ed ha deditgà ina deschina da cudeschs als «tains passeia da Sontg Ipeult» ch'è l'origin dal num Veulden. Il museum ch'el ha fundà porta quest num. Per ils interessads a la toponomastica è ses cudesch davart l'explicaziun dals nums funsils dal 2006 ina surpraisa: El ha era dissegnà las chasas, aclas ed ils mises che correspundan als nums, probablamain sco unic.
