Plouda

chau da Chasper Pult
Legenda da maletgs: Chasper Pult. RTR G.Dazzi

Nus avain tuts gia inscuntrà persunas che han il num d'in lieu, ma senza abitar là. Jau enconuscheva in signur Zürcher ch'era Bernais. En il Grischun datti bleras schlattainas ch'han in num d'in lieu dador ils cunfins, immigradas avant tschientaners. Per l'Engiadina Bassa e la Val Müstair èn quai savens vischins dal Tirol dal Sid. Ils Lechthalers derivan oriundamain dal bain Lechtl sper Damal, il num rumantsch per Mals. Dal vitget da Plaus èn probablamain vegnids ils emprims Ploudas en il 14avel secul a Sent. A Ftan è documentada ina Anna Plouda 1701, forsa la medema Anna Plauder di Fetan ch'è documentada 1775 en Bregaglia? La derivanza dal num dal vitg Plaus è palì, uschia ch'ils Ploudas pudessan sa numnar atgnamain era Famos che vegn dal tudestg von Moos.

Redacziun: Chasper Pult