Policarp

L'onomastic dad oz vain resguardà da tut las confessiuns, inclusiv da la baselgia anglicana e l'ortodoxa. Perfin ils Copts, pia ils cristians en Egipta, sa regordan dad in dals emprims martirs. Policarp è naschì enturn l'onn 69 s.C. ed è stà uvestg a Smyrna en Tirchia. Per coordinar la data da Pasca ha el entupà ses collega a Roma, ma cun turnar a chasa è el vegnì arrestà e sentenzià a la mort sin il stgandler. Las flommas n'han dentant betg ars il sabi attempà, schizunt ina buna savur saja sa derasada dal schafot ed el haja stuì vegnir mazzà cun ina stilettada. Bain cler che quai ha fatg impressiun!