Radurschl

Mintgatant datti auditurs en nossas regiuns vischinas che vulessan era savair ils secrets da lur toponims, surtut sche quels nums sa basan sin nums rumantschs. In scolast da Pfunds en la val da l'En austriaca m'aveva raquintà dal pli grond guaud da schembers che sa chatta sper la Radurschl Alm sur Fond (Pfunds en rumantsch). Jau manegiava che quai fiss Tamangur en S-charl. En mintga cas è la derivanza da quest num plain tensiun, bunamain sco in crimi toponomastic. Tgi da nus enconuscha anc il pled «vadrustgel» per in prà da culm che vegniva segà mo mintga dus onns? La bucca bavaraisa ha defurmà quest num, ed era il pled Tschey na sa chapescha pli.