Quests ultims onns èn cumparids blers studis da toponomastica. Sche laics seguan lur passiun da ramassar ils nums da lur vitg e provan d'explitgar quels, fa quai plaschair.
Era il vitg sisum la Surselva – quai munta il num Sumvitg dal latin Summus Vicus – ha oz in cudesch cun passa 1'600 toponims. Nus dain in'egliada en quest'ovra impressiunanta ed ans dumandain tgi ch'è stada la Mengia ch'aveva da runcar e cultivar ses igniu, quell'ogna dadens Falens. Quellas plantas han era dà il num a blers auters lieus en il Grischun, savens en la furma plurala sco Las Agnas a Bever ch'era in lieu istoric.
