Sur Carvutsch

Cun grond plaschair survegnin nus dumondas d'auditurs che stattan sin la Mantogna, quella regiun nua ch'il rumantsch è per blers sulettamain ina regurdanza. In auditur rumantsch da Preaz vuless savair la derivanza d'in toponim a Sarn. Quest «Carvutsch» pudess vegnir dal corv ch'aveva gia num uschia en latin cun in suffix, pia sumegliant a Corvatsch. Ma in document dal 1800 numna «Sur Carvug», e quai fa vegnir intschert. Ma en la vallada dal Mesauc datti «Corvazia» che prenda ses num da «corva» che signifitga in mantun crappa a lur d'in prà. Tgi sa?