Tschilvädris

chau da Chasper Pult
Legenda da maletgs: Chasper Pult. RTR G.Dazzi

In auditur vuless savair la derivanza dal cuvel che sa chatta sin las spundas dal Calanda sur Favugn. Il pievel cumin numna quella gronda chaverna «Tschiliväderli-Höhli». L'onn 1942 aveva l'archeolog Walo Burkart publitgà ses chats en quel cuvel che cuntegneva blera ossa da biestga, ma era artefacts ed in dent da latg. Quella giada aveva el era dumandà il linguist Andrea Schorta areguard il num ed ina proposta era «Gieri veder». Blers onns pli tard, sco autur dal Cudesch da nums retic, ans surprenda el cun ina explicaziun differenta che cuntegn ina part dal corp uman.

Redacziun: Chasper Pult