Vendelin

chau da Chasper Pult
Legenda da maletgs: Chasper Pult. RTR G.Dazzi

Tut ils chalenders rumantschs inditgeschan per oz l'onomastic Vendelin.

Forsa che ses num deriva da Vandals, en mintga cas para el dad esser stà d'origin irlandais ed el ha fatg in pelegrinadi a Roma en il 6avel tschientaner ed è sa fermà a Trier cun turnar enavos. Là ha el vivì l'emprim sco eremit u «ramüttel» co ch'ils Ladins cloman quels che sa retiran da la societad.

Pli tard daventa el probablamain avat da la claustra da Tholey. En il Grischun vegniva el venerà sco sontg dals purs e dals pasters che saveva cumbatter la pesta e las malsognas dal muvel.

Redacziun: Chasper Pult