100 onns prohibiziun

Avant 100 onns han ils Stadis Unids decidì da scumandar l'import, la producziun e la vendida d'alcohol.

Butschins da bira vegnan destruds durant la prohibiziun
Legenda da maletgs: Butschins da bira vegnan destruds durant la prohibiziun Keystone

Sco effect dal scumond è il dumber da zirrosas hepaticas («Leberzirrose») sa diminuida. Vinavant èn ils lavurants stads pli pauc absents. Bavì alcohol vegniva dentant vinavant, simplamain «nair». Cun quai che l'alcohol vegniva simplamain producì nair, n'era el betg adina propi net. Ultra da quai èn mortas pliras persunas en ils cumbats tranter las bandas criminalas, che sa cumbattevan pervi da l'alcohol. L'onn 1933 han ils Stadis Unids puspè abolì il scumond.

Era en Svizra devi ina sort prohibiziun. Quella era gia dal 1887, scumandava dentant mo il vinars da tartuffels.

Autur/a: Flurin Clalüna