20 onns ISS - la staziun spaziala internaziunala

La staziun spaziala en l'orbit fa festa d'anniversai: Precis oz avant 20 onns vegnida sajettada la prima part da la ISS en il univers.

La staziun spaziala ISS
Legenda da maletgs: La staziun spaziala ISS Keystone / NASA

Dapi lura è ella vegnida bajegiada or cuntinuadamain ed è oz bunamain uschè gronda sco ina plazza da ballape. Ella vala sco pli grond object che sgola enturn en l'orbit.

L'intenziun da tut quai è da pudair perscruttar en var 400 km distanza tar la terra e quai fan astronauts dals pli differents pajais sin la ISS dapi 20 onns. Crititgà vi da l'entir project vegnan tranter auter ils custs enorms che vegnan stimads enfin oz sin passa 100 milliardas dollars.

Autur/a: Ladina Schena