400 onns bova da Piuro

A Piuro, gist dasper Chiavenna, nua che la Festa da chant chantunala ha lieu questa fin d'emna, è ina bova vegnida giu avant 400 onns ed ha cuvert la citad e 1'000 fin 2'000 persunas.

Piuro.
Legenda da maletgs: Piuro. Comune di Piuro

La raschun per la bova è stada, ch'il culm Conto è vegnì stgavorgià entras l'explotaziun da crap lavetsch – cun quest crap è Piuro vegnì ritg. Pervi da l'explotaziun è il culm dentant vegnì instabil e pervi da grondas daratgas è lura er la bova vegnida a val. Piuro è oz be pli ina pitschna vischnanca cun radund 2'000 abitants.

Autur/a: Prisca Bundi