«Adios» cun ragischs a Cuira

Loco Escrito ha procurà per ina bella surpraisa a chaschun da la surdada dals premis da musica «Swiss Music Awards» 2019 en il KKL a Lucerna. La chanzun «Adios» è premiada cun il premi dal public «Best Hit National 2019».

Loco Escrito guadagna ils «Swiss Music Award» dal public
Legenda da maletgs: Loco Escrito guadagna ils «Swiss Music Award» dal public keystone

Suenter che «079» da Lo & Leduc aveva batti il record svizzer cun 21 emnas sin plazza in da la Parada da Hits Svizra l'onn passà, na quintava nagin cun il resultat da «Adios» da Loco Escrtio. Malgrà che questa chanzun ha cuntanschì sulettamain posiziun quatter en la Parada da Hits, è il chantadur da «Reggaeton» vegnì onurà cun il premi dal public. La chanzun en stil latin «Adios» è vegnida cumponida e realisada per gronda part da Sandro Dietrich e Lou Zarra da Cuira.

Autur/a: Gaby Degonda