Albinissem

Albinissem è in disturbi dal metabolissem. Tras l'albinissem manca il melanin e perquai han las persunas pertutgadas a pel, chavels ed il egls fitg clars.

Legenda da maletgs: Keystone

L'albinissem ha influenza sin la vesida. Perquai han bleras persunas cun albinissem problems cun moviments svelts e tscherts sports. Er en il mund d'animals datti cas dad albinissem u dad albinos. Er tar ils mamifers è il manco da melanin responsabel per l'albinissem. Tier reptils u utschels datti er cas d'albinissem. Tar quests animals manca lura dentant in auter pigment.

Persunas cun albinissem – uschia vulan ellas vegnir munadas – vegnivan e vegnan anc adina discriminadas. Perquai han las Naziuns unidas UNO introducì il di encunter la discriminaziun d'albinissem. L'emprima giada aveva il di encunter la discriminaziun d'albinissem gì lieu ils 13 zercladur 2015.

Autur/a: Natalia Murtas