«Alpenrose» – la flur da dus amis

La chanzun «Alpenrose» tutga tar la patria helvetica sco la bandiera cotschna cun la crusch alva. Ella è tant sco in segund imni per la Svizra tudestga. Questa chanzun che fascinescha sur generaziuns è dentant era stada ina spina en l'amicizia tranter Polo Hofer e Hanery Amman.

Polo Hofer.
Legenda da maletgs: Polo Hofer. Keystone

La chanzun è vegnida cumponida l'onn 1985 da Hanery Amman cun text da Polo Hofer. L'onn 2006 è la chanzun «Alpenrose» vegnida tschernida dal public svizzer sco pli grond hit svizzer. La consequenza da quest bel titel è sta il «Musical Alpenrose» l'onn 2012. Hanery Amman n'è betg stà preschent a la premiera.

Autur/a: Gaby Degonda