Ambrosi Hoffmann

Ses pli grond success è stà bronz tar ils gieus olimpics a Turin – oz festivescha Ambrosi Hoffmann ses 40avel di da naschientscha.

Ambrosi Hoffmann cu el mava anc cun skis.
Legenda da maletgs: Ambrosi Hoffmann cu el mava anc cun skis. Andreas Wieland

Ambrosi Hoffmann ha en tut fatg sis giadas in plaz da podest tar il cup mundial da skis, 3 giadas ha el prendì part a gieus olimpics ed ina gada ha el guadagnà il cup europeic. Dentant per el è il success ils ultims onns da sia carriera stà memia pitschen, e perquai ha el lura terminà sia carriera da skiunz l'onn 2012 ed è puspè sa deditgà a sia professiun sco miradur. El ha surprendì, ensemen cun ses frar, la fatschenta da construcziun da ses bab.