Barbie festivescha 60 onns

La poppa da termagliar Barbie festivescha oz ses 60avel anniversari. En quels 60 onns nha ella betg survegnì chavels grischs ed er naginas rubaglias, sa midada è ella dentant tuttina.

Diversas Barbies.
Legenda da maletgs: Diversas Barbies. Keystone

Barbie datti entant betg be pli cun chavels blonds, egls blaus e cun ina postura fitg nunrealistica. Na, oz datti ella en 7 differentas colurs da pel, 22 colurs dad egls e 24 differentas frisuras. Ed er cun differentas posturas chèn pli datiers da la realitad chil model classic cun chommas lungas ed ina taglia fitg stretga. Cun questas midadas ha Mattel, la firma che producescha Barbie, reagì sin ferma critica. Vitiers vegn cher las cifras da vendita èn puspè creschidas entras questa strategia. Uschia che Barbie è anc oz cun 60 onns in termagl dumandà tar uffants sin lentir mund.

Autur/a: Prisca Bundi