Big Bang - la plazza aviatica dad Istanbul fa midada

Dapi ier charreschan var 800 camiuns bun 50'000 tonnas material da la Turkish Airlines sur 40 kilometers tras Istanbul. Fin dumengia avess la midada dal vegl eroport Atatürk a la nova plazza aviatica en il nord da la citad ad esser terminada. La midada da las superlativas porta il surnum Big Bang.

Ina vista sin il nov Airport Istanbul
Legenda da maletgs: Ina vista sin il nov Airport Istanbul. KEYSTONE

La nova plazza aviatica ad Istanbul ha custà passa diesch milliardas euros. La construcziun ha cuzzà be quatter onns e mez. L'Airport Istanbul duai daventar in center da l'aviatica globala e far concurrenza a Dubai. Durant l'emprim onn sa la nova plazza aviatica servir a 90 milliuns passagiers, pli tard a 200 milliuns. La nova plazza aviatica ad Istanbul daventass uschia la pli gronda dal mund.

Autur/a: Marionna Lombriser