«Bilby» – il star da Pasca en Australia

Il bursalin dal nas lung vegn celebrà en Australia sco simbol da Pasca. El po cuntanscher ina grondezza tranter 20 e 55 centimeters e sia paisa munta a maximal 500 grams.

«Bilby» il bursalin dal nas lung è simbol da Pasca en Australia
Legenda da maletgs: «Bilby» il bursalin dal nas lung è simbol da Pasca en Australia keystone

Il bursalin da nas lung tutga tar la famiglia dals animals da bursa sco ils kengurus. Suenter che colonias avevan importà la lieur ed il cunigl avant pressapauc 150 onns, era quest animalet selvadi nativ en ristga da murir ora. Grazia als protecturs da la natira è il bursalin dal nas lung vegnì introducì sco simbol per Pasca ed è uschia daventà ina sort mascotta per differents projects da protecziun d'animals cun ristg da murir ora en Australia.

Autur/a: Gaby Degonda