Black Friday

Oz - il di suenter il Thanksgiving - è en ils Stadis Unids da l'America l'uschenumnà 'Black Friday'. Quai è il di nua che las butias porschan rabats ed acziuns. Ubain ditg auter: Il di, nua ch'ils Americans cumpran il pli bler durant l'entir onn.

Sin il Herald Square a New York ha il shopping gia cumenzà fitg baud oz.
Legenda da maletgs: Sin il Herald Square a New York ha il shopping gia cumenzà fitg baud oz. Reuters

Per las butias munta quai la pli auta svieuta da l'entir onn. Il 2014 han Americanas ed Americans cumprà en per bunamain 51 milliardas dollars. Il num Black Friday na deriva dentant betg da l'enconuschent Black Friday da la bursa americana. Pia betg dal crash da la bursa a New York l'onn 1929. Pertge ch'il Black Friday dad oz vegn numnà uschia ha pliras teorias. Ina è, ch'ils commerziants han quai di detta tut naira dal dumbrar daners. In'autra teoria è che bleras butias vegnan be cun la svieuta da quai di da siglir da las cifras cotschnas, en las cifras nairas.

Autur/a: RTR/sb