Blick am Abend

Oz cumpara l'ultima ediziun stampada da la gasetta da pendularis. En futur datti be pli purschidas online.

Keystone
Legenda da maletgs: Keystone

L'emprima versiun dal Blick am Abend è cumparida l'onn 2008, en successiun da la gasetta gratuita «heute». Fin oz è il concept restà il medem: infurmaziuns e novitads pauc profundas e divertentas pel viadi a chasa.


Che la gasetta na vegn betg pli stampada ha tranter auter da far cun il public en mira: ils giuvens. Quels sajan ozendi dapli vi dal handy sco vi dal leger gasetta. In auter motiv è dentant era il martgà da recloma. Adina dapli recloma vegn preschentada online, la gasetta è betg pli uschia attractiva perquai.

Autur/a: Flurin Clalüna