BRAVO festivescha 60 onns

Tuts til legavan ma nagin na vuleva dar tiers. Il Magazin da la BRAVO. Da lovestorys enfin bluts e scleriment en dumonda da sexualitad era tut da vesair e leger en il magazin.

Marilyn Monroe era sin l’emprim cover da la BRAVO dal 1956
Legenda da maletgs: Marilyn Monroe era sin l’emprim cover da la BRAVO dal 1956 bdp.de

Dr. Sommer, Lovstorys e bluts

Il pli popular ed enconuschent dal BRAVO è il Dr. Sommer. Il Dr. Sommer dat scleriment en causas da sexualitad per giuvenils. Giuvenils cun dumondas san scriver a Dr. Sommer lur problem e quel dat scleriment. Anc oz survegn Dr. Sommer 300 dumondas en in emna. Las bleras dumondas sajan restadas medemas tar ils giuvens durant ils 60 onns scriva il BRAVO.

In per facts dal BRAVO

  • Ils 26 avust 1956 é cumpari il emprim magazin da la BRAVO
  • Al cumenzament era la BRAVO anc in magazin per film e televisiun
  • Dapli il 1969 datti la rubrica Dr. Sommer che sa fatschenta cun dumondas da la sexualitad
  • Oz e la BRAVO plitost activa en la rait (Facebook, Twitter, Youtube, etc.)
  • Las cifras da vendita van adina pli ferm enavos. Dals onns 90 vendeva il BRAVO anc 1.5 milliuns exemplars dad in magazin. Dal onn 2015 eran quai mo pli 214 000 dad in magazin.

Autur/a: RTR/fc