Brexit: Nigel Farage - il grond victur

Tgi è Nigel Farage? In um cun ina clera finamira politica, numnadamain sortir da l'Uniun europeica. Dentant n'è Farage betg in grond diplomat.

Nigel Farage
Legenda da maletgs: Nigel Farage Keystone

L'entschatta dals onns 90 è Nigel Farage entrà en la politica. Sco president da la partida per l'independeza (UKIP) ha el cumbattì per sortir or da l'Uniun europeica. All'entschatta n'ha el dentant betg chattà blers amis politics.

Dapi il 1999 è Farage en il parlament d'Europa, nua ch'el lavura en la fracziun per libertad e democrazia. Là è el er dà en egl negativamain. Perquai ch'el ha tranter auter attestà al president dal parlament, Herman Van Rompuy, in carisma d'in sdratsch bletsch, ha Frage survegnì in chasti da 3000 euros.

Autur/a: RTR/ggf