Bristen

Il vitg da Bristen è dapi dumengia passada separà dal rest dal mund. Quai suenter ch'ina bova ha bloccà la via tranter Amsteg e Bristen.

La via da Bristen stat serrada per pliras emnas.
Legenda da maletgs: La via da Bristen stat serrada per pliras emnas. Keystone

Ils bun 450 abitants da Bristen èn actualmain pigliads en il vitg cunquai che la via donnegiada è la suletta via che maina dad Amsteg a Bristen. Uss examineschan las vischnancas co schliar il problem. Ina varianta è da drizzar ina via provisorica e da porscher in bus davent dal lieu en il vitg sco era da la val ora. L'autra varianta è da metter en funcziun la funiculara da l'ovra electrica dad Amsteg.

Gia l'onn 2003 eri be pli pussaivel da vegnir a Bristen cun la funiculara. Quai suenter ina siglientada da grippa ch'aveva bloccà la via per dudesch emnas.

Autur/a: Selina Chistell