Bruno Manser

Tar l'avertura dal festival da films a Turitg han ins mussà in film davart Bruno Manser. El vaglia sco in dals pli enconuschents activists per l'ambient da la Svizra. Perquai ha il film, ch'è vegnì producì durant diesch onns, er ina brisanza actuala.

Bruno Manser a Lucerna l'onn 1999.
Legenda da maletgs: Bruno Manser a Lucerna l'onn 1999. Keystone

Bruno Manser è naschì a Basilea. Ils onns 80 era el dentant ì a Borneo. Quai per viver tar in pievel genuin. Dad els vuleva Manser emprender da viver senza raps e datier da la natira. Durant ses temp a Borneo han fatschentas da lain cumenzà a runclar il guaud, ed uschè er il territori dal pievel. Sin quai ha Bruno Manser adina puspè fatg attent, tranter auter cun chaumas da la fom. Dapi l'onn 2000 na san ins betg nua ch'el è. Sunenter ch'el è puspè ì en Borneo n'ha ins betg pli vesì el. L'onn 2004 han ins declerà el sco sparì. 

Autur/a: Flurin Clalüna