BSC Young Boys

Il «Berner Sportclub Young Boys» è per il mument cler a la testa dal ballape Svizzer. Cumenzà han els dentant mo sco squadra da juniors.

Legenda da maletgs: Keystone

Dal 1898 èn in pèr gimnasiasts da Berna sa mess ensemen ed han fundà il club da ballape Young Boys. Il num han els copià d'in club da Basilea cun il num «Old Boys». En lur emprim onn giugavan els sco squadra da juniors dal FC Berna.


Spert hai dentant dà problems en il club. Per ils giugaders etablids eran ils Young Boys memia arrogants. Perquai ha il FC Berna mess ils Young Boys davant la decisiun: Ni ch'els s'integreschan en il FC Berna, ni ch'els sa separan. YB ha tschernì la segunda opziun.

Autur/a: Flurin Clalüna