Campiunadi mundial a Katar en la critica

Per il mument han lieu ils campiunadis mundials d'atletica leva a Doha, la chapitala dal Katar. Il pitschen pajais arab organisescha actualmain ina occurrenza da sport suenter l'autra. Quellas èn dentant ferm en la critica.

Il stadion a Doha – sutvart ils indriz per sfradentar.
Legenda da maletgs: Il stadion a Doha – sutvart ils indriz per sfradentar. Keystone

A Katar regnan il mument temperaturas da 30 grads ed dapli – betg propi bunas cundiziuns per far atletica leva. Quai han ins vesì durant il maraton da dunnas, nua che pliras dad ellas han stuì dar si. Per crear cundiziuns pli agreablas vegnan ils stadions sfradentads. Quai dovra natiralmain fitg blera energia, ecologicamain saja quai in «nonsens», manegia in expert da l'ETH Turitg envers la «Südostschweiz am Wochenende».

Tenor in correspundent da la chasa da medias CH-Media sajan las occurrenzas sportivas en il Katar dentant per gronda part propaganda.

Autur/a: Flurin Clalüna