Campiunadi mundial da ballape 1958 – l'ultima giada senza l'Italia

Questa giada ha la squadra Azzurra pers cunter la Svezia, en la qualificaziun avant 60 onns encunter l'Irlanda dal Nord. Raschun ch'igl è vegnì uschè lunsch l'entschatta dal 1958 è la tschajera a Londra.

ballapedists talians sesan trumpads sin il plaz
Legenda da maletgs: Ina situaziun che la Squadra Azzurra ha gi l'ultima giada avant 60 onns – els na van betg al campiunadi mundial. Keystone

L'Italia avess duvrà be pli in punct per sa qualifitgar definitivamain per il campiunadi mundial en Svezia il 1958. Quel hai era dà (2:2), ma il gieu n'ha betg quintà per la qualificaziun.

La raschun: L'arbiter ch'avess gì da tschivlar il gieu è rivà be fin a Londra. Il sgol da là enfin Belfast è vegnì stritgà pervi da tschajera. L'arbiter da reserva è vegnì clamà memia tard, uschia che er el n'è betg rivà ad uras per il gieu.

In gieu amicabel e lura la terrada

La finala ha lura in arbiter da l'Irlanda dal Nord tschivlà il gieu dal december 1958 a Belfast. Ma la Fifa ha declerà il gieu per motivs da fairness tar in gieu amicabel. Uschia n'ha il punct betg quintà per la qualificaziun.

Il gieu decisiv è vegnì spustà sin il schaner 1958. Quel è lura ì en favur da l'Irlanda dal Nord cun 2:1. Uschia è la naziunala taliana ida a chasa enstagl al campiunadi mundial en Svezia.

Autur/a: Gion Gieri Flepp