Carnevale di Venezia

Il tschaiver da Venezia tutga sper Roma, Firenza u Cologna tar ils pli enconuschents. Mintgamai 10 dis avant mesemna da la tschendra vegn il temp cun mascras, costums e teaters averts uffizialmain.

Carnaval da Venezia
Legenda da maletgs: Mascras e costums filigrans èn tipics per il Carnevale di Venezia Pixabay

Tar tils da tschaiver en nossas regiuns tutgan musicas da tschaiver, motivs da l'onn passà e barlot. Tar il tschaiver modern a Venezia vai plitost per costums e mascras filigranas da tuttas colurs, or d'istorgias che vegnan preschentadas en in grond til e lura premiadas.

Ragischs en l'antica

Las ragischs dal carnaval van enavos sin ils usits e las festa dal temp avant la curaisma en l'antica. Là eran sclavs e patruns per in tschert temp sin il medem nivel. En il temp medieval è il carnaval da Venezia sa sviluppà tar in'enorma festa cun fieus, lutgas, cumbats da biestga e teaters.


Sut Napoleun enturn l'onn 1800 èsi lura vegnì pli ruassaivel cun il carnaval. Dentant gia bun 100 onns pli tard ha la glieud puspè promovi e tgirà la tradiziun dal tschaiver a Venezia. Il film Casanova da Federico Fellini da l'onn 1976 ha lura anc ina giada promovì fermamain il carnaval a Venezia.

Autur/a: Gion Gieri Flepp