Chasa d'emprendists Cuira

La fundaziun da la chasa d'emprendists a Cuira (Bündner Lehrlingshaus) po festivar il giubileum da 100 onns.

Dapi il 1978 è la chasa d'emprendists a la Kantenstrasse a Cuira.
Legenda da maletgs: Dapi il 1978 è la chasa d'emprendists a la Kantenstrasse a Cuira. MAD

Cumenzà ha tut enturn il 1900. Lura han adina dapli giuvens fatg in emprendissadi en fabricas e lavuratoris a Cuira e blers dad els n'avevan betg la pussaivladad da turnar a chasa. Perquai è in'uniun vegnida activa ed ha tschertgà localitads e meds finanzials per ina chasa d'emprendists. Il 1918 èsi lura reussì d'arver l'emprima chasa d'emprendists a Cuira. Plaz aveva quai lura per 14 emprendists. Per di custava star sur notg e tschaveras trais francs.

Da 14 sin varga 100

Durant il davos decennis è la chasa creschida ed er daventada pli confortabla. Er lieu ha la chasa d'emprendists adina puspè midà. Ils onns trenta purscheva ella alloschi per 38 persunas e dapi ils onns novanta lura per passa 100 persunas.

Autur/a: Selina Chistell