Chasa Liechtenstein

Ils 15 d'avust festivescha il Principadi dal Liechtenstein il di naziunal. Mintg'onn envida la famiglia roiala, la chasa Liechtenstein ad in apero en il curtin da ses chastè. Ma tgi è quella Chasa Liechtenstein?

Chastè da Vaduz
Legenda da maletgs: Il chastè da Vaduz è la sedia da la famiglia Liechtenstein. Keystone

Oriund è la famiglia Liechtenstein u von Liechtenstein da l'Austria. Ses origin ha il num a Vienna. Sur tschientaners ha la famiglia possedì ed iertà territoris e chastès. L'onn 1712 han ils Liechtenstein surpiglià il chastè a Vaduz. Cura ch'il pajais è lura daventà independent han els er dà il num al Principadi dal Liechtenstein.

Il prinzi actual è Hans-Adam II. Avant intgins onns ha el dentant surdà l'administraziun da la chasa roiala e dal principadi a ses figl Alois.

Autur/a: Selina Chistell