Chastrar giats

Ina petiziun cun varga 100'000 suttascripziuns pretenda in obligatori da chastrar giats che van giuador.

I dat var 300'00 giats da nagin en Svizra
Legenda da maletgs: I dat 300'00 giats da nagin en Svizra. KEYSTONE

Organisaziuns d'animals e politichers pretendan cun la petiziun da francar in obligatori da chastrar giats en Svizra. En Svizra datti passa 300'000 giats ch'èn da nagin. Var 100'000 giats nungiavischads vegnan mazzads u dismess onn per onn a moda crudaivla. Cun l'obligatori da chastrar duess la multiplicaziun nuncontrollada da giats vegnir franada.
I dat duas metodas da chastraziun, omaduas pretendan operaziuns. Ina è la chastraziun sco tala. Tar las giattas vegn allontanà ils ovaris e mintgatant er la madra, tar ils mastgels ils testiculs. Er ina sterilisaziun impedescha la multiplicaziun. Tar la sterilisaziun vegn interrut ils oviducts da las giattas u ils chanals da sperma dals mastgels. Las sterilisaziuns èn operaziuns pitschnas e la producziun d'ormons sexuals resta. Ina chastraziun dals giats vegn recumandada en la vegliadetgna da tschintg fin diesch mais.

Autur/a: Marionna Lombriser