Concessiun

La SRG SSR è dad ina vart independenta, da l'autra vart sto ella sa tegnair vi da la lescha da radio e televisiun sco era vi da la concessiun ch'il Cussegl federal dat. Mo uschia survegn ella ils daners da la taxa da radio e televisiun.

Il Cussegl federal dat la concessiun da radio e televisiun
Legenda da maletgs: Il Cussegl federal dat la concessiun da radio e televisiun. KEYSTONE

In punct impurtant da la concessiun è ch'i stoppia dar purschidas sumegliantas en las trais grondas regiuns linguisticas ed ina purschida adattada per la Svizra rumantscha. L'onn 2019 datti ina nova concessiun, quella pretenda che la SRG SSR sa differenzieschia pli fitg dals privats e ch'ella focusseschia pli fitg sin las novitads.

Autur/a: Angela Hendry