Congedi da paternitad

Da 41 pajais è la Svizra sin il terz ultim plaz quai che pertutga attractivitad per famiglias. Tranter auter era perquai che la Svizra n'ha nagin congedi da paternitad. Il parlament ha uss dentant decidì ch'i duai dar en il futur in congedi da duas emnas per ils babs.

Legenda da maletgs: Keystone

Ils ins vesan quai congedi sco vacanzas gratuitas che fan donn a leconomia, auters dian chil congedi saja impurtant per far vinavant cun legualitad tranter um e dunna e che leconomia profiteschia schizunt.
La Svizra investescha mo 1,6% da ses product brut per sustegnair famiglias, tiaras scandinavas investeschan 4%. En Svezia survegnan geniturs 480 dis congedi da geniturs chels pon parter sco els vulan, minimum 3 mais èn reservads per babs. Durant quai temp survegnan ils geniturs 80% da lur paja ed els han in dretg sin ina reducziun da pensum da 25% enfin che luffant è 8.

Autur/a: Angela Hendry