Cross Country

Il cross country è sper il downhill ina disciplina dal mountainbike. Dapi l'onn 1996 è questa disciplina er olimpica.

Cross Country è ina disciplina dal mountainbike.
Legenda da maletgs: Cross Country è ina disciplina dal mountainbike. Keystone

Tar il cross country absolvan atletas ed atlets in percurs sur sendas da guaud, da glera e vias da funs. Per regla fan els pliras rundas. Il percurs cuntegn ascensiuns e descensiuns pli taissas. Il pli spert gudogna la cursa.

L'entschatta ils onns settanta

Ils emprims mountainbikes hai dà enturn l'onn 1973. Lura n'era il mountainbike dentant anc betg partì en diversas disciplinas. Pir a partir dals onns novanta devi lura il downhill u il cross country. Cun sportists sco Thomas Frischknecht u Nino Schurter è la disciplina da cross country adina daventada pli populara.

Autur/a: Selina Chistell