Cun plumpas e tibas

Dario Cologna dastga purtar la bandiera a l'avertura dals gieus olimpics a Pyeongchang. Ed el survegn er sustegn da ses club da fans enturn Not Carl.

Not Carl en acziun cun sia tiba il 2011 a Garmisch.
Legenda da maletgs: Not Carl en acziun cun sia tiba il 2011 a Garmisch. RTR, Andreas Wieland

Not Carl è viagià cun sia tiba (Alphorn) en la Corea dal Sid per sustegnair Dario Cologna, per che quel gudognia puspè ina u l'autra medaglia. Not Carl na va betg per l'emprima giada en viadi cun sia tiba. Gia avant 8 onns a Vancouver ed avant 4 onns a Sotschi ha el encuraschà Dario Cologna davent da l'ur da las loipas.

Autur/a: Prisca Bundi