Curdistan – ina regiun repartida sin quatter stadis

Il territori dal Curdistan è la patria dals Curds. Il Curdistan è repartì sin ils stadis Irac, Iran, Tirchia e Siria.

Manifestaziun per il referendum en l'Irac dal nord
Legenda da maletgs: Manifestaziun per il referendum en l'Irac dal nord. KEYSTONE

Ils Curds en l'Irac dal nord han exprimì il giavisch per in stadi independent cun il referendum dad ier. L'independenza è er in giavisch da blers Curds che vivan en l'Iran dal vest, en l'ost e nord da la Siria ed en l'ost da la Tirchia. La populaziun curda en il territori istoric dal Curdistan munta a 25 fin 30 milliuns persunas. In stadi curd unì n'hai mai dà. La regiun dal Curdistan è adina stada en ils mauns da differents reginavels u guverns. L'istorgia dals Curds è ina da la suppressiun, da la resistenza e d'allianzas cun diversas pussanzas.

Autur/a: Marionna Lombriser