D-Day

Ils 6 da zercladur 1944 è stà in di historic, il cumenzament da l'invasiun da la Frantscha tras las forzas alliadas. Il D-Day è stà l'emprim di che ha lura decidì la guerra mundiala.

L'invasiun.
Legenda da maletgs: l'invasiun dals alliads avant 75 onns. Keystone

Radund 180'000 schuldads americans, englais e canadais eran arrivads ils 6 da zercladur 1944 a la riva da la Frantscha dal Nord. Lur inimis: La «Wehrmacht» tudestga che sajettava cun gronds chanuns dals crests da la riva sin tut quai che sa muveva. Il success dals alliads na sa ella dentant betg tegnair si.

Confusiun en las lingias tudestgas

Contribuì al success ha la confusiun tranter ils tudestgs. Hitler haja savì ch'ils alliads attatgian – dentant n'haja el betg spetgà els ad in di da trid'aura. Er davart il lieu da l'invasiun era la «Wehrmacht» sa sbagliada.

In veteran raquinta

Lord Bramall ha gì 20 onns cura ch'el era arrivà a la riva durant la battaglia da «D-Day». El sa regordia fitg bain vid da quel di ed er ch'el haja gì gronda tema. La pli gronda tema haja el dentant gì da betg savair savair accumplir las speranzas da gidar a deliberar l'Europa da Hitler e ses naziunalsocialists.

Autur/a: Lukas Quinter