Daniel Craig e sias gaschas sco 007

La gasetta englaisa Daily Mail rapporta che Daniel Craig chalia sco James Bond. Tenor infurmaziuns da la Daily Mail ha Craig ditg na ad in'offerta gigantica.

I para sco sche Daniel Craig di adia a sia rolla sco 007
Legenda da maletgs: I para sco sche Daniel Craig di adia a sia rolla sco 007 Keystone

Bun 100 milliuns dollars ha MGM, la firma che producescha ils films da James Bond, offrì a Daniel Craig per dus ulteriurs films sco agent 007.

Per ses emprim film sco James Bond, il 2006 en Casino Royale aveva Craig survegnì 3.2 milliuns dollars. Per ses davos film, Spectre il 2015, avevi lura gia dà ina gascha da 39 milliuns dollars.

Ma, uss pari che era ils daners n'han betg pudì persvader da giugar vinavant l'agent secret.

Autur/a: RTR/gcc