Di dal Grischun a la Fête des Vignerons

La proxima Fête des Vignerons ha lieu dals 18 da fanadur fin ils 11 d'avust 2019 a Vevey. Il chantun Grischun è in dals chantuns ospitants.

Vevey.
Legenda da maletgs: A Vevey ha lieu il 2019 la Fète des Vignerons. Keystone

Il di dal chantun Grischun è ils 23 da fanadur. En la citad veglia da Vevey pon ins quel di vesair represchentaziuns dad artistas ed artists dal Grischun. En l'arena da Vevey che ha plaz per 20'000 persunas vegnan ultra da quai preschantads gieus festivs.

Per che uschè blers Grischuns e Grischunas sco pussibel possian ir a la festa, datti uss bigliets exclusivs e limitads aposta per la populaziun dal Grischun. Ils bigliets datti da cumprar online dals 17 da settember a las 11:00 fin il cumenzament da november.

Autur/a: Natalia Murtas