Di dals durmigliets

L'aura che dat oz, datti era las proximas set emnas. Quai almain tenor ina regla da purs dal di dals durmigliets – «Siebenschläfertag».

Resta l'aura las proximas set emnas constant?
Legenda da maletgs: Resta l'aura las proximas set emnas constant? Keystone

Tenor SRF Meteo n'è quella regla dentant betg dal tut faussa. En var 70% dals cas è la regla sa cumprovada pli u main. Enturn la fin da zercladur e l'entschatta da fanadur sa stabilisescha il jetstream – in vent ferm che va enturn il nord da la culla dal mund. Sche quel vent va pli stabil, resta era l'aura pli constanta.

In num n'ha dal rest da far nagut cun l'animal. Il num sa basa sin ina legenda or da la bibla. Tenor quella èn set cristians vegnids serrads en. Empè da murir han els dentant durmi per passa 200 onns. Perquai vegnan els numnads ils «sieben Schläfer».

Autur/a: Flurin Clalüna